31 mars, 2007

Rune Rudberg

Eg har begynt å lika Rune Rudberg. Ikkje på ein ironisk, distansert måte, men på skikkelig. Med sånn passe mykje talent for musikk og show har han skaffa seg eit kjent namn og eit levebrød, det må han ha jobba hardt for å få til. Men det er heile nakenbiletesaka som har gjort at eg har gått frå uinteressert i heile mannen til å vera såpass engasjert at eg skriv ein bloggpost om det.

For dei som ikkje har sett biletet kan eg opplysa om at det openbart er tatt i nokon si stova, kanskje Rune si. Me ser ein svart skinnsofa og ein gitar som heng på veggen. I sofaen ligg ein naken Rune Rudberg, med eit handkle under rumpa, ein må jo passa på å ikkje laga flekkar i sofaen, og ved sida av han sitt ei like naken dama som vistnok er kjærasten. Utan å gå i detalj om kva dei gjer så har Rune det veldig fint, og kjærasten ser ut som ho morer seg, ho òg.

Mange meiner, eg er blant dei, at me ser for mange bileter av folk med for lite kle og at det er altfor mykje sex på tv, i musikkvideoer, aviser og blader. Eg trur problemet òg er at me ikkje ser nok ekte, kvardagsleg, hyggelig, mislukka, uperfekt og morosam sex. Problemet med pornoestetikken er ikkje berre at den er kjip, men at den er einerådande. Det finnes knapt bileter av nakne menneske som ikkje er porno og ikkje er henta frå oppslagsverk. Eg har ingen illusjonar om at biletet av Rune Rudberg vart lagt ut på nett for å bidra til folkeopplysinga, det var nom eit planlagt uhell for å selga fleire plater, men det er ein hyggelig bieffekt. Eg tipper at mange har hatt sex inspirert av kva dei gjer på biletet, og det er jo bra. Dessutan så har Rune Rudberg laga ein song om heile saka. Kanskje ikkje det største bidraget til musikklitteraturen, men når Mozart skreiv så mykje kjedeleg og intetsigande musikk som han gjorde, så syns eg at Rune Rudberg kan få framføra sine ordinære melodiar og teite tekstlinjer i fred. Og om ein legg godvillja til så svinger det til og med litt. Sjå videoen på dagbladet.no.

8 Comments:

Anonymous Anonym said...

Hei Mari,
Du har ein allsidig blogg! Godt skrive. Eg har sett musikkvideoen òg. Og smilt.

8:59 p.m.  
Anonymous Anonym said...

Du er en skikkelig raring, Mari. Jeg bare priser meg lykkelig over at jeg har klart å unngå nakenbildene av Rune Rudberg. Det er sikkert ikke farlig å se slike bilder, men jeg er litt redd likevel. Jeg tror at det kan bli vondt og at det kan gi ettervirkninger.

4:52 p.m.  
Anonymous Anonym said...

Bra vinkel! Du er lenka til -- *ping*

12:36 p.m.  
Blogger Brage said...

Djiiz! Åssen kan intelligente folk som deg like gærninger som er mest kjent for middelmådig popmusikk, fullstendig fanatisk sexfiksjon og dessuten for å berike endetarmen med blå plast?

8:21 a.m.  
Blogger Mari said...

Det er utruleg mange rare folk eg liker. Eg liker jo til og med deg, Brage ;-)

11:00 a.m.  
Anonymous Anonym said...

Rune Rudberg er kuul han! Ikke bare har han bra musikk men han takler all motgangen han har møtt fra "snerpete" folk veldig bra! HVEM har ikke hatt sex i en sofa og gjort ting man helst ikke vil se bilde av da???

9:57 p.m.  
Anonymous Anonym said...

Haha, godt anonymt poeng der:D

(Sjøl om jeg kanskje ikke er heilt med på det om musikken ...)

1:16 p.m.  
Anonymous Anonym said...

Ah, trodde jeg var den eneste i verden som synes synd og slik på Rune jeg.
Jeg har også sett bilde, og syns slettes ikke det var så ille som folk flest sier. Forsvarern fult ut, synes han er kjempe digg! En flott type, skulle vært forferdelig gøy og møtt han en dag. Dessverre går vel ikke det i Juni... STÅ PÅ RUNE! OG ALDRI GI DEG SOM DU TYDELIGVIS IKKE HAR TENKT ;)

Mvh
Andreas Flatås Storli

12:24 p.m.  

Legg inn en kommentar

<< Home